| Cicero, Epistulae ad Familiares (XML Header) [genre: prose; letters] [word count] [lemma count] [Cic. Fam.]. | ||
| <<Cic. Fam. 10.33.1 | Cic. Fam. 10.33.2 (English) | >>Cic. Fam. 10.33.5 |
10.33.1
S . v . h . e . e . q . v . quo tardius certior fierem de proeliis apud Mutinam factis Lepidus effecit , qui meos tabellarios
novem dies retinuit ; tametsi tantam calamitatem rei p . quam tardissime audire optandum est , sed illis , qui prodesse nihil possunt neque mederi . atque utinam eodem s . c ., quo Plancum et Lepidum in Italiam arcessistis me quoque iussissetis venire ! profecto non accepisset res p . hoc vulnus .
quo si qui laetantur in praesentia , quia videntur et duces et veterani Caesaris partium interisse , tamen postmodo necesse est doleant , cum vastitatem Italiae respexerint ; nam et robur et suboles militum interiit , si quidem quae nuntiantur ulla ex parte vera sunt .
10.33.2
neque ego non videbam
quanto usui rei p . essem futurus , si ad Lepidum venissem ; omnem enim cunctationem eius discussissem , praesertim adiutore Planco sed scribenti ad me eius modi litteras quas leges et contionibus videlicet , quas Narbone habuisse dicitur , similis palparer necesse erat , si vellem commeatus per provinciam eius iter faciens habere . praeterea verebar ne , si ante quam ego incepta perficerem proelium confectum esset , pium consilium meum raperent in contrariam partem obtrectatores mei propter amicitiam , quae mihi cum Antonio non maior tamen quam Planco fuit
itaque a Gadibus mense Aprili binis tabellariis in duas
navis impositis et tibi et consulibus et Octaviano scripsi ut me faceretis certiorem quonam modo Nurimum possem prodesse rei p . sed ut rationem ineo , quo die proelium Pansa commisit , eodem a Gadibus naves profectae sunt nulla enim post hiemem fuit ante eam diem navigatio . et ego me hercules longe remotus ab omni suspicione futuri civilis tumultus penitus in Lusitania legiones in hibernis conlocaram . ita porro festinavit uterque confligere , tamquam nihil peius timerent quam ne sine maximo rei p . detrimento bellum componeretur . sed si properandum fuit , nihil non summi ducis consilio gessisse Hirtium video .
10.33.3
| Cicero, Epistulae ad Familiares (XML Header) [genre: prose; letters] [word count] [lemma count] [Cic. Fam.]. | ||
| <<Cic. Fam. 10.33.1 | Cic. Fam. 10.33.2 (English) | >>Cic. Fam. 10.33.5 |
